АКАФИСТ ХРИСТУ - МЛАДЕНЦУ 

КОНДАК 1 . 
Рождейся от Девы и пение небесное приявый из сокровищ духовных, приими и мною возносимое Тебе песнопение: Иисусе, Богомладенче, спаси нас. 

ИКОС1 
От Ангела благовестие приемше, во град Вифлеем духовно вшедше и Младенца в яслях узревши, радостно поем Ему: 

Иисусе, Ангелов ликование. 

Иисусе, сердца моего Взыграние. 

Иисусе, всего мира Ожидание. 

Иисусе, Небесное Сияние.
Иисусе, Богомладенче, спаси нас. 

КОНДАК 2 
Живущим верою, пусть пастыри указуют, темже с ними и мы ликовствуя, поем рождшемуся: Аллилуиа. 

ИКОС2 
Дети Божия радостно Младенцу, лежащему в яслях, поют: 

Иисусе, нас ради родившийся. 

Иисусе, на земле явивыйся. 

Иисусе, со Отцем не разлучивыйся.
Иисусе, пеленами повиваемый. 

Иисусе, Богомладенче, спаси нас. 

КОНДАК 3 
Еже видеть радость великую, устранимся суетного мира и умом своим вертеп и ясли обымем и непрестанно взывая Богу: Аллилуиа. 

ИКОСЗ 
Слава в Вышних Богу, Ангелы поют на Небесах, и мы с ними вопием Ти: 

Иисусе, Слава Ангелов; 

Иисусе, Похвало пастырей; 

Иисусе, Сокровище мое; 

Иисусе, Богомладенче, спаси нас. 

КОНДАК 4 
Трепетно вся тварь ныне радуется, Небеса веселятся, купно с ними и я вопию спасаемый: Аллилуиа. 

ИКОС 4 
Волхвы звезду узревши в Вифлееме, потекоша и обретше Сокровище нетленное, возопиша с верою: 

Иисусе, Мудрости Вечная. 

Иисусе, Истина совершенная.
Иисусе, Богооткровение. 

Иисусе, радостей Явление. 

Иисусе, Богомладенче, спаси нас. 

КОНДАК 5 
Облако легкое росу благодатного явления нам дарующая, зрим Невесту Неневестную, Сына - Младенца охраняющую. Ему же все поют: Аллилуиа. 

ИКОС 5 
Храмина—убежище бессловесных, явилась палатою Царя всех, да и мы не убоимся, ниже смутимся убожества души своея, но с дерзновением преступлыше, вопиюще: 

Иисусе, вниде в дом убогия души моея. 

Иисусе, возложи в яслях сердце мое. 

Иисусе, соделай быти достойными храмом Твоим.
Иисусе, покрый мя милосердием Своим. 

Иисусе, Богомладенче, спаси нас. 

КОНДАК 6 
Разгнавый тьму неведения, озари ум мой светом истиннаго Богопознания, да ликуя воспою: Аллилуиа. 

ИКОС 6 
И на земли мир, возгласиша Ангелы, познав сие, радостно поем Примирителю:
Иисусе, ума Просвещение. 

Иисусе, совести успокоение. 

Иисусе, от уз греховных Разрешение. 

Иисусе, с Богом Примирение. 

Иисусе, Богомладенче, спаси нас. 

КОНДАК 7 
Слезы Божественного умиления точаще, огласим пещеру Вифлеема сугубым пением: Аллилуиа. 

ИКОС. 7 
Тако возлюбил Бог мир, радостно сию любовь восхвалим, вопиюще: 

Иисусе, Любовь Предвечная. 

Иисусе, Сладосте сердечная. 

Иисусе, Милосте бесконечная.
Иисусе, Радосте Небесная. 

Иисусе, Богомладенче, спаси нас. 

КОНДАК 8 
От Древа жизни отшедшия, в глубину зол падшия, ныне создание Божие Спасителем восстанавливается, Ему же поем: Аллилуиа. 

ИКОС 8 
Велия Благочестия Тайна — Бог, явился во плоти, к Нему все взываем: 

Иисусе, Троицы Откровение. 

Иисусе, Любви Проявление. 

Иисусе, нераздельное с человеком Соединение. 

Иисусе, вечное о нас Промышление. 

Иисусе, Богомладенче, спаси нас. 

КОНДАК 9 
Обуреваемый житейскими попечениями, с кораблем потопляемый грехами и к тихому пристанищу к Вифлеему притеку в сии дни радостно воспою Ти: Аллилуиа. 

ИКОС 9 
Дары рождшемуся Иисусу приносят вси и аз, недоумением и радостью объятый, в скудности ума моего, принесу песнь сию: 

Иисусе, сердце мое обнови. 

Иисусе, душу мою спаси. 

Иисусе, для вечности сохрани. 

Иисусе, пред Отцем Небесным защити. 

Иисусе, Богомладенче, спаси нас. 

КОНДАК 10 
Ум мой наставь и сердце очисти, да с Ангелы чисто воспою: Аллилуиа. 

ИКОС 10 
Христос мой Спаситель, сего ради ликует состав мой о рождении Твоем: 

Иисусе, Спасение мое. 

Иисусе, Крепосте моя. 

Иисусе, Радосте моя. 

Иисусе, Богомладенче, спаси нас. 

КОНДАК 11 
О Тебе радуется душа моя! О Тебе веселится язык мой! И жизнь моя пребывает в святом уповании, когда пою Тебе песнь: Аллилуиа. 

ИКОС 11 
Множество щедрот Твоих и любви к роду человеческому, сего ради вопием Ти:

Иисусе, Вечное Милосердие. 

Иисусе, благодатное Озарение. 

Иисусе, земли Посетителю. 

Иисусе, тайны спасения Совершителю. 

Иисусе, Богомладенче, спаси нас. 

КОНДАК 12 
Пение приносим Тебе, Безначальному Отцу с горними и дольними: Аллилуиа. 

ИКОС 12 
Одеяйся светом, яко ризою, пеленами ныне повивается и нас одеждами светлыми украсит воспевающих: 

Иисусе, чертог светлый нам уготовляющий. 

Иисусе, одеждами брачными нас украшающий. 

Иисусе, нетлением венчающий. 

Иисусе, красотою духовною нас облекающий. 

Иисусе, Богомладенче, спаси нас. 

КОНДАК 13 (Трижды) 
Юнеет и обновляется всяка душа христианская в светлом празднике Твоего
Рождения, Духом Святым оживляется, Тройческим Единством просвещается и
непрестанно поем песнь: Аллилуиа, Аллилуиа, Аллилуиа. 

Далее читать Икос 1, затем Кондак 1. 

Источник Екатеринбургский Епархиальный вестник.